”माध्यम शास्त्राचे ज्ञान आवश्यक आहे भाषेची आणि अभिव्यक्तीची जी कौशल्ये आपण शाळेपासून शिकवतो त्या भाषेचा संवादासाठी कसा वापर करावा हे आता ज्या माध्यमातून करायचा आहे ,आता माध्यम सोशल मीडिया आहे तिथे याचा कसा वापर करावा हे शिकवले गेले तरच यांचा योग्य उपयोग होईल “असे पुणे आकाशवाणी केंद्राचे उपसंचालक नितीन केळकर म्हणाले ,एस .एस . प्रॉफेशनल्स कॅम्पस आणि नॅशनल युनियन ऑफ जर्नलिस्ट्स यांच्या संयुक्त विद्यमाने ने आयोजित केलेल्या सोशल मीडिया वरील कार्यशाळेच्या उदघाटन प्रसंगी ते बोलत होते.
सोशल मीडिया साठी दृक श्राव्य माध्यमातून प्रकट होताना वैचारिक कल्पना विस्तार कसा असावा याविषयी माहिती देणारी कार्यशाळा आयोजित करण्यात आली होती प्रशिक्षक अभिजीत टिळक यांनी प्रशिक्षणार्थीना दृक्श्राव्य कसे असावे याविषयी मार्गदर्शन केले एस.एस. प्रॉफेशनल्स चे संचालक डॉ. शिशिर पुराणिक यांनी भविष्यात अशा अजून कार्यशाळा आयोजित करणार आहोत ज्या द्वारे सोशल मीडिया चा योग्य वापर होईल ,असे सांगितले कार्यक्रमाचे संयोजन शिशिर पुराणिक यांनी केले
या कार्यशाळेसाठी सुमारे ३० प्रशिक्षणार्थीना आपला
सहभाग नोंदविला यामध्ये पत्रकार ,उद्योजक ,विद्यार्थी तसेच कलाकार यांचा समावेश होता ,.नॅशनल युनिअन ऑफ जर्नलिस्ट्स महाराष्ट्र च्या अध्यक्षा शीतल करदेकर यांनी आपल्या अध्यक्षीय भाषांत सोशल मीडियाचा वापर योग्य प्रकाराने झाल्यास पत्रकारिताही चांगल्या दिशेने जाईल असे सांगितले .
दुसऱ्या सत्रामध्ये आजची शिक्षणपद्धती या विषयावर परिसंवाद घेण्यात आला यामध्ये डॉ. शिशिर पुराणिक ,अर्चना मवाळ ,शीतल करदेकर यांनी सहभाग घेतला तर पत्रकारितेतील आव्हाने या विषयावरील परिसंवादात सचिन चपळगावकर ,रायचंद शिंदे ,जितेंद्र जाधव ,श्रीकांत काकतिकर ,यांनी विचारमंथन केले . या कार्याक्रमामध्ये श्रीकांत काकतीकर यांचा बेळगाव जिल्ह्यातील युनिअन च्या कार्याबद्दल विशेष सत्कार जेष्ठ पत्रकार दीपक मोहिते यांच्या हस्ते करण्यात आला .या कार्यशाळा उपक्रमासाठी दीपक चव्हाण ,युनिअन च्या खजिनदार वैशाली आहे यांनी विशेष योगदान दिले या कार्यक्रमासाठी विजया मानमोडे ,तुषार शेंडे ,आदी पत्रकार उपस्थित होते